Edvard Munch: Samtale med Ivo de Figueiredo og Ingunn Munch

Samtale mellom forfattar og Ivo de Figueiredo og Ingunn Munch Lindvig. Utgangspunktet er tobindsbiografien Stormen 1 og 2, som handlar om kunstnaren Edvard Munch.

Henrik Martin Dalsbakken, Dag og Tid, skriv følgjande om biografiane: «Ivo de Figueiredos tobindsbiografi om Edvard Munch er nyansert og underhaldande.

(...) Ivo de Figueiredo lukkast svært godt med å trekkje dei lange linene, og han får meg til å skjøne årsak og verknad bak den tidvis utsvevande livsførselen til Munch. Språket flyt lett, og lesinga er både underhaldande og levande. Få biografiar om Munch er meir tilgjengelege for eit ålment publikum enn denne.

(...) ein svært detaljert og like fullt fasinerande biografi, som saman med det første bindet av Stormen følgjer Munch frå krybbe til grav. Frå kunstnarfødsel i bind 1 til attføding i bind 2 - Stormen vil stå att som ein av dei fremste biografiane som er skrivne om Edvard Munch.»

I samtala på Vågå bibliotek vil de Figueiredo legge spesiell vekt på Munch sine kriseår 1902 til 1908, samt sjølvsagt seie litt om Munch-staden Vågå.
Ivo de Figueiredo er født i Langesund i 1966. Han er cand.philol. med hovedfag i historie og har publisert ei rekke fagartiklar og gjeve ut fleire bøker.

Ingunn Munch Lindvig er i slekt med kunstnaren Edvard Munch. Saman med mannen Dag Lindvig og faren Johann Storm Munch var ho ein pådrivar for boka «Munch og farsslekten - på vandring mot Vågå». Dei er også i ferd med å bygge opp Munchely på garden Gammel-Kleppe i Vågå, som skal drive med formidling av Edvard Munch si farsslekt og historie.

Førehandssal av billettar samt i døra. Servering av kaffe.

Vel møtt!
Bilete:
Bokomslag Stormen: Aschehoug forlag
Foto portett Ivo de Figueiredo: Agnete Brun