Forfattarkveld med Jørn Lier Horst

Jørn Lier Horst (f. 1970) er ein av Nordens mest suksessrike krimforfattarar, og han er ein av dei mest lesne forfattarane på biblioteka både i Sel og Vågå. Bøkene hans har selt i over ti millionar eksemplar og er utgjevne i meir enn 40 land. Fleire av bøkene er òg filmatiserte for kino og TV.

Horst har bakgrunn som politietterforskar og er i dag fast ekspertkommentator i TV-programmet Åsted Norge. Forfattarskapen hans omfattar både romanar, skodespel og barnebøker. Mest kjend er han for bøkene om politietterforskar William Wisting. I lag med Thomas Enger skriv han thrillerserien om Alexander Blix og Emma Ramm. Han står òg bak Noregs mestseljande barnebokserie om Detektivbyrå nr. 2, i tillegg til suksess-serien CLUE.

For sitt forfattarskap har Horst motteke ei rekkje prisar, mellom anna Bokhandlerprisen, Rivertonprisen, Glassnøkkelen, The Martin Beck Award og The Petrona Award. Han har òg blitt heidra med den gjeve Teskjekjerringprisen for sitt bidrag til leselyst og leseglede blant norske barn gjennom bøkene om Detektivbyrå nr. 2. I 2022 vart Tiril, Oliver og Åtto kåra til tidene sine beste barnebokkarakterar av bransjenettstaden Bok 365, og i 2023 vart Jørn Lier Horst kåra til «Årets forfattar» av lesarane til Aftenposten Junior.

(Teksten henta fra Bonnier forlag si side om Jørn Lier Horst)